(Curacao) Detenshon di 15 estranhero ilegal

Polis a tene kontròlnan dirigí riba personanan ku no tin nan pèrmit di estadia i/òf sédula huntu ku nan. Alrededor di 19.40’or nan a bai na un restorant Kolombiano riba Cubaweg na unda nan a detené tres (3) dama dominikana ku no tabata tin nan dokumentu huntu ku nan. Dos di nan por a bai kas despues di a presentá nan dokumentonan i un (1) a keda hibá barak pendiente su deportashon.

Seguidamente polisnan a bai alrededor di 20.15’or na Juan Hatoweg na un establesimentu di hür i laba outo, pero ku den fin di siman ta ser kombertí den un sentro di dibertishon. Aki nan a detené 23 estranhero, 16 hòmber i 7 muhé, ku no tabata tin nan dokumentonan huntu ku nan. Dieskuater (14) di nan a resultá di ta permanesiendo ilegal riba nos isla. Nan ta: 7 hòmber Dominikano 2 hòmber Venesolano 1 hòmber Kolombiano 4 muhé Dominikana. A hiba nan tur barak pendiente nan deportashon.

http://www.24ora.com

Los comentarios están cerrados.