(Curacao) Bishita di vise-presidente di PDVSA Asdrúbal Chávez lo keda koordiná via e ministerio de Asuntonan Eksterior (Cancilleria) di Venezuela

E bishita di vise-presidente di PDVSA Asdrúbal Chávez lo keda koordiná via e ministerio de Asuntonan Eksterior (Cancilleria) di Venezuela. Pa e motibu ei a postponé e reunión ku tabata plania pa algun tempu. Asina e vise-presidente di PDVSA a duna di konosé djarason na Promé-Minister Schotte. Tabata planiá pa tin un reunión djabièrne awor entre PDVSA ku Refineria di Kòrsou, kombiná ku kombersashonnan ku Promé-Minister Schotte, ku ta responsabel pa asuntonan di energía.

Asdrúbal Chávez a duna di konosé djarason ku su gobièrnu ta preferá pa koordiná i sinkronisá e bishita planiá via Cancilleria di Venezuela, pasobra e kombersashonnan tokante futuro di e refinería tambe tin di haber ku e relashonnan entre e dos país. Den konsultashon entre e dos gobièrnunan lo disidi riba un fecha nobo. Promé-Minister Schotte ta konsiderá e reprogramashon di e bishita na niun manera komo un riesgo ku e reunión lo keda kanselá. Mas bien e ta miré komo un signal ku ta tuma e kombersashonnan sumamente na serio, i ku esei por nifiká ku lo tin un profundisashon di e reunionnan planiá.

http://www.24ora.com

Los comentarios están cerrados.