(Aruba) Directie Scheepvaart: Importacion di gasolin den boto di pesca a lanta cabes

E fenomeno di importacion di gasoline y diesel cu ta drenta Aruba for di Venezuela riba botonan di pesca, no ta un desaroyo nobo, y incluso Directie Scheepvaart y Aruba Ports Authority a confronta un caso lanta pa un compania, entre Januari cu Februari 2011 caba, cual e dos instancianan a gana.   

Den entrevista , Carlyle De Coteau, di management team di Scheepvaart, a splica cu esaki a sosode ora nan a nenga entrada di un barco cu a bin cu e producto sin ningun margen di seguridad pa nan mes tripulacion y pa e waf di Barcadera. Na Maart caba ambos instancia a bati alarma y e ultimo biaha aki nan a manda un carta pa Ministro Otmar Oduber, kende a pase pa Ministerraad, y di aki a bay Directie Wetgeving, y awor nan ta wardando riba nan respuesta. De Coteau a splica cu apesar di e caso den Corte cu Aruba a gana, e problema a bolbe presenta y cu mas forza, te hasta esnan cu ta trece e producto ta pagando accijns y nan a cumpra botonan special pa transporta e gasoline y diesel pa Aruba.

Ela remarca cu ta keda na gobierno pa dicidi di Aduana y demas departmento concerni ta sigui acepta nan pago di impuesto. Ela a pone enfasis riba e peligrosidad di e manera con e gasoline y diesel ta drenta Aruba, pero Directie Scheepvaart por actua te unda su competencia ta yega. Nan hunto cu APA a prohibi e botonan aki drenta Aruba, pero den articulo 24 di e “Haven Verordening” ta poni cu e haven meester tin e autoridad pa haci esaki, y loke a pasa ta cu pa hopi tempo no tabata tin e posicion di haven meester na Aruba, y na Juni cu a pasa Ministeraad a tuma e decision di nombra un persona, y na momento cu e ta oficialmente “in place” hopi cos ta bay cambia positivamente, segun sr. De Coteau.

http://www.24ora.com

Los comentarios están cerrados.