(Aruba) Marisol Lopez-Tromp ta mascota di Mike Eman

ORANJESTAD (AAN): Den conferencia di prensa di MEP sr. Ady Thijsen a lansa critica fuerte riba e ex minister di infrastructura, sra Marisol Lopez-Tromp. Den reunion den parlamento riba e Green Corridor Mike Eman a baha pisa riba gobierno anterior, pero den e caso aki Mike Eman a ataca especialmente e ex minister encarga cu infrastructura, ensenjanza y asuntonan social cu segun Mike Eman no a haci net net nada durante 8 aña. Enseñanza ta den decadencia, infrastructura ta den estado deplorabel, y problemanan social no a worde soluciona, eseynan ta e acusacionnan cu Mike Eman a dirigi na ex minister Marisol Lopez-Tromp.
En bes cu Marisol Lopez-Tromp cu semper ta bula lanta defende su mes, bisa algo, el a keda keto keto, sinta hari cu Mike Eman y sinta wanta e critica.
Na final di e reunion Lopez-Tromp tabata tin e oportunidad pa defende su mes y su maneho di ex minister din infrastructura den gobierno di MEP, pero e no a hacie y te hasta a dicidi di sostene e ley di Mike Eman pa e Green Corridor. Ta mas cu cla cu Marisol Lopez-Tromp a para bira e mascota di Mike Eman.

http://www.diario.aw

Los comentarios están cerrados.