(Aruba) Toko Maduro tabata encabeza benta di droga den schoolnan na San Nicolas

ORANJESTAD (AAN): Tristo pero asina mes cos tabata bay. Castigo pisa lo ta poco pa e homber Toko Maduro kende tabata ocupa su mes cu benta di droga den San Nicolas. Su victimanan tabata netamente hobennan di school. Pa colmo na e school Hilario Angela por ehempel e tabata tin un bendedor tambe. Un hoben di apenas 12 aña. For di bon fuente ta worde menciona cu e hoben aki ta chick tambe di Toko Maduro di 40 aña. Den henter e caso tin tres detencion. Ora cu e team di polis a rondona e cas den Rooiweg, na dado momento e hoben femenino di inicialnan M.L. Di 12 aña tambe a yega na e cas. El a cuminsa grita pasobra autoridad a pone man riba su guy Toko kende ta su sponsor tambe den benta di droga. Na school tabata tin informacionnan clave cu e mucha muher tabata trece droga school pa bende. Tambe tabata tin firmanan suficiente di hendenan cu tabata cumpra droga.
Den oranan di marduga mes a gara dos cumprador cu tambe a cumpra droga banda di Huliba Bar. E area pafor di Huliba Bar ta e lugar di benta publico den dia y anochi. Despues di a gara e cumpradornan a coy dos otro bendedor tambe eyfor.
Aki ta trata di Jeremy Dirks y Ricky Roja. A haya e bendedornan cu basta sakito di cocaina pa benta den nan poder. E dosnan aki ta sera y lo keda sera. Mescos ta e caso cu Javier Toko Maduro. Toko Maduro ta esun cu tabata encarga cu e cumpramento di cosnan horta of cambiamento pa droga. Dos auto a keda confisca.
E droga haya riba Toko Maduro ta poco pero e firmanan y kehonan riba papel ta suficiente pa e keda sera. A haya basta placa den su poder. Ta un sospechoso cu no ta traha. Loke ta mas di lamenta ta e forma cu e mucha muher di 12 aña ta yora Toko Maduro manera ta fin di mundo a yega ora cu autoridad a detene.
For di esnan biba den e area por a compronde cu ta varios auto ta yega pa cumpra droga na e cas den Rooiweg. Entrenan autonan D-wagen indicando cu aki ta trata di empleadonan publico. Hobennan di Colegio Arubano y varios otro school den San Nicolas ta fiel clientenan di Toko Maduro. Tin algun siman caba cu e investigacion tabata andando door di polis pa finalmente por a logra pone man riba e famoso bendedornan.
Awor a kibra e neishi di benta di droga na Huliba Bar. E mucha muher di 12 aña a worde laga den libertad y den e caso aki un guia profesional ta hopi necesario pe. Ya caba e ta den mal caminda door di worde mal usa pa bendedornan. Den su caso e ta yega school cu e droga causando daño na muchanan inocente.

http://www.diario.aw

Los comentarios están cerrados.