(Aruba) Na caminda pa “One Cool Summer” cu ayudo di Jesus Javier Arias fuenmayor consul general di Venezuela na Aruba

ORANJESTAD (AAN): Na caminda pa “One Cool Summer 2011” ta treciendo cune hopi esfuerzo di un grupo hopi grandi cu ta ansioso pa wak e careda aki bira un exito rotundo. Entre otro nos tabata di bishita cerca Sr. Jesus Javier Arias Fuenmayor cu ta e Consul General de la republica di Venezuela na Aruba y ora cu Sr. Consul a tende di e plan grandi cu tin pa trece un grupo di por lo menos 12 auto di Venezuela, mesora el a bay over pa hala acerca Sr. Sergio Marcano kende ta gerente di recurso humano y kende ta un persona cu tin hopi contacto cu e coredornan y e doñonan di pista na Venezuela.
Mesora Sr. Consul a laga sa di ta dispuesto pa yuda unda cu ta posibel, pa asina haci di e binimento di e coredornan mas e fanaticada di Drag pa Aruba uno grandi y tambe ta su deseo pa crea un forma pa asina hiba International Raceway Park Palo Marga, por lo menos 2000 persona pa apoya e deporte di Drag Racing y apoya su compatriotanan di Venezuela cu lo bini Aruba pa asina bataya tur cu tin contra e tremendo coredornan di Aruba.
Mientras cu e dianan ta bay ta pasando, por spera di tende mucho mas di loke ta bay bira e caredanan di “One Cool Summer 2011”.

http://www.diario.aw

Los comentarios están cerrados.