(Aruba) Gobierno a cera tur porta pa sol melia y mester bay corte!

ORANJESTAD (AAN) – DIARIO a entrevista Abogado mr. David Kock, ken ta representa e compania Sol Meliá, cual proyecto di hotel a keda para y no ta tumando lugar negociacionnan mas, entre gobierno y e grupo promotor. Abogado mr. Kock a splica cu desde comienzo, e compania Sol Meliá, cu awor ta bayendo Curacao unda nan a wordo atrai pa bay, gobierno no kier a tende di nan. Abogado Kock a señala cu den varios ocasion a purba, no pa pidi daño y perhuicio, sino pa laga nan desaroya e hotel, pero gobierno a bisa cu no cardinalmente, y ultimamente a reitera cu nan lo no kier haci negoshi.
E Abogado a subraya cu e mester ta neutral, y cu esey ta e posicion di gobierno y nan no por cambie. Locual ta sigui awor ta e Caso den Corte pa daño y Perhuicio, cual ta den un fase basta avanza, y gobierno mester duna su ultimo respuesta den e caso aki na Augustus venidero.
En todo caso, entre September y October lo haya e veredicto di Corte si gobierno lo mester bay paga pa daño y perhuicio of no.
“ E ta yammer cu e ta termina asina, pero gobierno simplemente ta cera tur porta, y e ora ey e no ta laga un otro recurso cu sigui e Caso aki”, mr. David Kock a expresa.

http://www.diario.aw

Los comentarios están cerrados.