Ta pidi pueblo di Aruba pa cu un ayudo hopi importante pa recobra 2 paspoort

ORANJESTAD (AAN); Recientemente Sr. Nestor Espinoza y Señora Danae Margarita Paredes Gil tabata na Aruba di vacacion pa bin disfruta di nos dushi isla di Aruba. Lamentablemente y mala suerte nan pertenencianan a worde horta pa antisocialnan. E pareha cu ta di Venezuela a yega Aruba dia 17 di Juni y a regresa di 19 di Juni, 2011. E ladronicia mes a tuma lugar dia 18 di Juni den area di e shopping mall net dilanti Radisson hotel den area di Hard Rock Cafe.
E pareha aki a entrega keho na Rechercher di cual caso ta bao di investigacion.
Den e tas cu e antisocialnan aki a bay cune, tabatin varios documento y dos di e documento tabata nan paspoort di cual ta di sumo importancia ja cu pa nan renovanan ta dura 12 luna y e pareha aki mester biaha pa Merca y sin nan paspoort nan no por.

Pa e motibo ta pidi encarecidamente cualkier persona cu por sa algo of por a encontra e tas of e dos paspoortnan aki pa porfavor tuma contacto cu Francis Jacobs, Trade Relations Liaison di Aruba tourism Authority mas pronto cu por ta posibel.

Tin un recompensa di $500 pa cada un di e paspoortnan aki. Adhunto tin 3 potret, 1 di e tas cu a ser hort y 2 di e paspoortnan. Su informacion y ajudo ta di sumo importancia, di antemano masha danki pueblo di Aruba.

http://www.diario.aw

Los comentarios están cerrados.