(Curacao) Promé-Minister a bishitá Asamblea Nacional na Caracas

Despues di e seremonia ofishal di 200 aña independensha di Venezuela ayera’tardi, nos Prome Minister Gerrit Schotte, Vise Presidente di Venezuela Sr. Elías Jaua, Minister di asuntunan relashoná ku Eksterior di Venezuela Sr. Nicolas Maduro i otro mandatarionan for di region Sür-Amérika a hiba un bishita na Asamblea Nacional, ku ta e parlamento di Venzuela.

Akinan por a mira entre otro e dokumento di e deklarashon di independesha ku a wòrdu firmá eksaktamente dos siglo pasá, na aña 1811. Despues di e bishita na Asamblea Nacional, e delegashon a haña un rekorido den besindat di e parlamento, kaminda míles di hende tabata aklamá e delegashon. Na varios okashon, Prome Minister Gerrit Schotte a para un ratu i tabata saludá grupo di hendenan. E delegashon a sera e atardi i a asisití na un concierto di Orquesta Sinfónica Simón Bolívar ku ta konsití di mas ku 220 hóben i ku a wòrdu dirigí pa e konosido dirigènt Gustavo Dudamel.

http://www.24ora.com

Los comentarios están cerrados.