(Curazao) Promé Minister Schotte a presensiá selebrashon 200 aña di independensha di Venezuela

Den kuadro di 200 aña di independensha di Venezuela, Promé Minister Gerrit Schotte a hiba un bishita na Venezuela pa selebrá e dia aki. Djadumingu anochi último, Promé Minister a risibí un yamada di Minister di asunutunan di Eksterior di Venezuela Sr. Nicolas Maduro, ku un invitashon personal pa selebrá huntu ku mas hefe di estado i ministernan for di den region e dia grandi aki.

Durante e seremonia ofishal i tambe durante diferente aktividatnan relashoná ku e selebrashon, Promé Minister a topa ku varios hefe di estado, manera Presidente di Bolivia, Sr. Evo Morales i tambe Promé Minister di Dominica, Sr. Roosevelt Skerrit. E delaster menshoná lo bishitá Kòrsou dia 6 i 7 di yüli awor. Sr. Schotte a trese dilanti un biaha mas ku e bishita aki ta sumamente importante pa Kòrsou.

Pulse para ver fotografías

Ku e invitashon aki, Venezuela a habri su portanan pa nos papia riba tópikonan di mutuo interes. Riba e kombinashon di pòtret por mira e parti di e seremonia ofishal di selebrashon 200 aña di independensha di Venezuela na Caracas.

http://www.24ora.com

Los comentarios están cerrados.