Acuerdo di transparencia fiscal solicita pa OCDE den tramite entre Aruba y Costa Rica

ORANJESTAD (AAN): E Organizacion pa e Cooperacion y Desaroyo Economico (OCDE) ta pidi e paisnan pa adkiri un compromiso implementando standardnan internacional di transparencia fiscal. Tin un lista di paisnan cu ta wordo considera “paraisonan fiscal” segun OCDE. Esaki ta un tratado relaciona cu e intercambio di informacion den material fiscal entre paisnan pa asina por hiba un intercambio di informacion entre e paisnan cu ta firma un acuerdo riba asunto di impuesto cu nan ta recauda y cu ta wordo administra pa e gobierno central. E acuerdo pa intercambia informacion ta bira un herment mas pa e gobierno, atravez di e instancia concerni, por eherce un control mas stricto y un mihor fiscalizacion ya cu ta permiti obtene informacion di interes pa loke ta e determinacion, likidacion y recaudacion di impuesto, como tambe e cobranza, ehecucion di creditonan den material di impuesto y e investigacion of persecusion di actonan corupto of ilegal den material fiscal.
Pa cumpli cu OCDE, e paisnan mester yega na e firma di 12 acuerdo, cual ta rekisito pa cumpli cu un di e compromisonan. DIARIO a haya sa cu actualmente, Aruba ta den proceso di negociacion di e firma di un di e acuerdonan aki cu Costa Rica.
E informacion obteni atravez di e convenio aki solamente por wordo utiliza cu propositonan tributario of procesonan hudicial y no pa revela secretonan comercial, empresarial, industrial, profesional of procesonan comercial.

http://www.diario.aw

Los comentarios están cerrados.