Colombiano gara cu pasaporte falso di Venezuela

ORANJESTAD(AAN):– Diasabra na aeropuerto autoridad a pone man riba un homber Colombiano cu pasaporte falso. E pasaporte aki ta di Venezuela y e potret di dje a wordo cambia.
Straño ta cu el a drenta Aruba sin wordo gara. Aki ta trata di Jorge William Rojas Velazquez naci na Colombia 4 jan 1972. Dos dia prome cu su detencion el a yega Aruba y a bai keda na un adres na Madiki Kavel. Diasabra el a bai aeropuerto pa asina subi avion pa sigui pa Hulanda. E lo a keda solamente un siman so na Hulanda. Tur e cosnan aki a lanta sospechonan fuerte.
Finalmente el a keda gara na Aruba y na aeropuerto mes tabata tin henter un procedura di polisnan di grensbewaking. Despues di a studia e pasaporte cu tur profundidad e sospechoso tambe a bin admiti cu berdad e pasaporte tabata falso.
Den temporada di eleccion na Venezuela ta hopi tipo di cosnan raro a sosode cu pasaporte.
Kizas lo ta bon pa laga investiga e status di e persona aki y mira ki tipo di vinculo e por tin kizas cu cualkier banda den baho mundo.

http://www.diario.aw

Los comentarios están cerrados.