Artista local Brigitte C. gara cu droga na aeropuerto

ORANJESTAD(AAN):– Un hoben artista di Aruba awe a daña su carera na momento cu a haye cu droga saliendo pa Hulanda. E tabata tin cocaina den su maleta. E proximo dianan lo tin varios hoben bayendo Hulanda pa studia. Ta hopi importante pa mayornan papia seriamente cu e hobennan pa evita cu nan ta ser engaña pa cierto grupo cu ta probecha nan biahe y asina laga nan bai cu droga a cambio di placa y promesa. E hoben artista Brigitte C kier a sali pa Hulanda diasabra atardi laat pero personal di douane a pone man riba dje. Den su ekipahe a bin haya cocaina.
Ora cu a bise di e droga el a nenga totalmente di sa algo. Ta sospecha cu su guy a hinke den maleta pero esey no ta confirma. E personal di douane a papia cu e damita artista aki y yama seccion di crimen organisa cu ta encarga cu casonan di droga. Parce cu ta bai pone man riba esnan responsable tambe e proximo oranan nos dilanti.
Un biaha mas mayornan zorg pa boso yiu no cay den tentacion di esnan cu ta den baho mundo prome cu nan bay studia na Hulanda.

http://www.diario.aw

Los comentarios están cerrados.